Kalaboso ang dalawang hinihinalang tulak ng iligal na droga sa isinagawang buy bust operation sa Caloocan City, kamakalawa ng gabi.
Kinilala ang mga suspek na sina alyas “Buboy” at “Bryan”, kapwa nasa hustong gulang at residente ng Baragay 28.
Ayon kay Caloocan police chief Col. Ruben Lacuesta, ikinasa ng mga operatiba ng Station Drug Enforcement Unit (SDEU) ang operasyon kasunod ng natanggap na impormasyon hinggil sa pagbebenta umano nila ng droga sa lungsod.
Nakuha mula sa mga suspek ang humigi’t kumulang 17.40 gramo ng hinihinalang shabu na may standard drug price value na ₱118,000 at buy bust money.
Mahaharap ang mga suspek sa kasong paglabag sa Comprehensive Dangerous Drug Act of 2002.
