SINABI ni Speaker Ferdinand Martin Romualdez na dapat kasali sa serbisyo ng PhilHealth ang critical diagnostic exams para maiwasan ang cervical cancer at iba pang nakamamatay na sakit.
Nais niyang sagutin ng PhilHealth o Philippine Health Insurance Corporation ang laboratory procedures kagaya ng mammography para sa breast cancer, X- ray para sa lung cancer, ultra sound, at human papillomavirus (HPV) vaccine upang maprotektahan ang mga babae laban sa cervical cancer.
Nais ng Speaker na dagdagan ng 50 percent ang sasagutin ng PhilHealth sa bill ng pasyente sa ospital at gawing libre ang laboratory exams para kaagad na matukoy ang mapanganib na sakit gaya ng kanser.
Ipinarerepaso rin ni Romualdez sa House Committee on Health ang charter ng ahensya para mapahusay ang serbisyo nito.
Idiniin ni Romualdez na dapat makatugon nang husto ang PhilHealth sa universal health care ng bansa.
Sinabi ng isang observer na dapat may managot sa milyones na pondo ng PhilHealth na diumano’y kinurakot ng ilang opisyal ng gobyerno, dahil isa ito sa mga dahilan kung bakit patuloy pa ring mababa ang halaga ng benepisyo sa ahensya.
Related Posts:
Dapat linawin ang sakop ng ating maritime zones -Tolentino
Gatchalian: Kakulangan sa kwalipikadong guro, tuldukan na
Fingerprint ng mga kriminal, bistado na ng PNP gamit ang makabagong e-Booking system
Pag-iisyu ng TIN ID cards ng BIR, dapat higpitan - Gatchalian
Planong paghihiwalay sa Mindanao, itigil — Marcos
Mahigit 1.5-M iskolar ng bayan, hindi na iskolar?
“Laugh Philippines?”
BBM inutusan ang DBM na gamitin na ang halos ₱43-B pondo para sa health insurance ng mga senior citi...
About Author
