Ginawaran nang 90-araw na preventive suspension ng Land Transportation Office (LTO) ang driver’s license ng isang Angkas rider na nagtangkang mangmolestiya ng isang pasahero sa Pasig nitong Nobyembre.
Ayon kay Atty. Vigor Mendoza II, LTO Chief at Asst. Secretary, inisyuhan ng ahensya ang Angkas rider ng show-cause order at pinag-report sa LTO-NCR bilang bahagi ng imbestigasyon.
Ang aksyon ng LTO ay bahagi ng imbestigasyon na isinagawa, matapos na ma-monitor sa social media ang insidente, ani Mendoza.
Nagsimula ang imbestigasyon ng LTO nang mag-file ng reklamo sa Raffy Tulfo in Action program at sinabi ng biktima na halos mamolestiya siya ng Angkas rider sa Barangay Manggahan, Pasig noong Nobyembre 12.
Nang mapigilan ng biktima ang pagtatangka, kinuha ng Angkas rider ang cellphone at wallet ng biktima.
Sinabi ni Mendoza na sumasailalim na sa imbestigasyon ang Angkas rider sa tatlong kaso na maaaring magresulta sa pagkansela ng kanyang lisensya, kapag napatunayang guilty.
Ilan sa mga kaso ay reckless driving at improper person to operate a motor vehicle.
Related Posts:
About Author
