Patay ang isang menor de edad nang pumatol sa kaaway na 21-anyos gamit ang kutsilyo na kapwa nagkainitan na nauwi sa patayan sa dinaluhang birthday party sa Navotas City.
Sa report ni Col. Mario Cortes, hepe ng Navotas police, kay Northern Police District (NPD) Director P/BGen. Rizalito Gapas, nangyari ang duwelo ng dalawa sa birthday party bandang alas-9:00 Lunes ng gabi sa may Tulay Uno, Daang Hari St., Brgy. Daang Hari.
Nabatid na nagtalo ang dalawa sa hindi malamang dahilan hanggang sa makita na bumunot ng patalim ang suspek at inundayan ng sunud-sunod na saksak ang biktimang binatilyo.
Nagresponde sina P/EMS Guiama Ibrahim, P/SSg Antonio Donato at P/Cpl Petty Bordallo ng Malabon Police Sub-Station 2 saka ginawa ang imbestigasyon.
Hinanap ng mga pulis sa mga ospital ang suspek na si alyas Jerome hanggang matunton sa Tondo Medical Center dakong alas-12:10 ng madaling araw ng Martes at doon na inaresto habang nakaratay pa sa hospital.
Nagtamo ang suspek ng saksak malapit sa kanang kili-kili at bantay sarado ng pulis hanggang tuluyang gumaling ay saka na dadalhin sa kulungan.
Habang dead on arrival naman sa Navotas City Hospital ang menor-de-edad dahil sa mga saksak sa katawan.
Kasalukuyang iniimbestigahan ang insidente kung may iba pang sangkot sa pagpatay sa menor de edad
Related Posts:
About Author
