Kulungan ang bagsak ng isang lalaki na wanted sa kasong panggagahasa matapos makorner sa isinagawang manhunt operation kamakalawa ng hapon sa Malabon City.
Kinilala ni Malabon police chief P/Col. Jay Baybayan ang naarestong akusado na si Johnritz Espinosa alyas “Kuya John” at nakatala bilang Most Wanted Person.
Sa report ni Col. Baybayan kay Northern Police District (NPD) P/BGen. Rizalito Gapas, nakatanggap ng tip ang mga tauhan ng Warrant and Subpoena Section (WSS) ng Malabon Police na naispatan ang presensiya ng akusado sa Malabon.
Agad nagsagawa ng joint manhunt operation ang mga tauhan ng WSS na nagresulta sa pagkakadakip sa akusado sa kahabaan ng Sanciangco St., Brgy. Catmon, bandang 1:00 ng hapon.
Ang akusado ay inaresto sa bisa ng warrant of arrest na inilabas ni Presiding Judge Phrincess Ma.
Bajarias-Hermogeno ng National Capital Judicial Region, Family Court, Branch 6, Manila noong September 29, 2023 para sa kasong Rape na walang inirekomendang piyansa para sa kanyang pansamantalang paglaya.
Related Posts:
3 bata nasagip sa malupit na kamag-anak
Kahera tinalakan ng amo, nanaksak
Sinita sa yosi huli sa baril
Pulis hinuli ng kabarong MPD sa kasong homicide
5 sugarol nahulihan ng baril, iligal na droga sa Rizal
Gun permit ng maangas na driver na nanutok ng baril sa siklista, binawi ng PNP
Mahigit ₱2-M shabu, nasabat sa isang HVI sa Valenzuela City
54K halaga ng shabu nasabat sa isang babae sa Sto. Tomas, Pasig
About Author
