Nilapagan ng warrant of arrest sa loob ng kulungan ang isang 17-anyos na batang lalaki dahil sa kasong pagnanakaw sa Pasig City.
Sa report na nakalap mula sa tanggapan ni PCol. Celerino Sacro, Jr. hinainan ng Warrant of Arrest ang binatang akusado na si Alyas “Hercules”, residente ng Barangay Malinao, Pasig City.
Ang warrant of arrest ay inisyu ni Hon. Tomas Eduardo Buenafe Madellan III, Presiding Judge ng Regional Trial Court Branch 265, Pasig City sa kasong Robbery sa ilalim ng Article 293 ng Revised Penal Code na may petsang September 6, 2023, Criminal Case No. R-PSG-23-01929 at binigyan ng piyansang P48,000.00.
Ayon sa report, matagumpay na nahanap ng mga tauhan ng Ortigas Police Sub-Station (SS1) at Station Warrant and Subpoena Section ang akusado na nakakulong na sa Kanlungan sa Pasig na matatagpuan Molave St. Nagpayong, Brgy. Pinagbuhatan, Pasig City at posibleng tumagal sa kulungan dahil sa inihaing warrant
Related Posts:
About Author
