Laglag sa kamay ng anti-criminality operation ng Taguig City Police Substation 3 ang dalawang lalaki matapos mahulihan ng illegal na droga sa ikinasang Oplan Galugad sa kahabaan ng Sunflower St., Panam Village, Barangay Pinagsama, Taguig City.
Nakilala ang mga suspek na sina Ian Jay Yañez y Caballero, 20-anyos at Darwin Mutuc y Martinez 34-anyos, ang kapwa nahuli bandang 2: 40 kamakalawa ng madaling araw na nang sitahin at kapkapan ay nahulihan ng shabu.
Nakumpiska mula sa mga suspek ang 13 piraso ng transparent plastic sachets na naglalaman ng shabu na may timbang na 55 gramo at nagkakahalaga ng ₱374,000.00.
Kasalukuyang nakakulong ang mga suspek sa Taguig City Police Custodial Facility at kapwa sinampahan ng kasong paglabag sa Section 11, Article II ng Republic Act 9165 o Comprehensive Dangerous Drugs Act of 2002.
Related Posts:
About Author
