Arestado ng mga tauhan ng Taytay Police ang mag-ama habang pinaghahanap pa ang dalawang kaanak matapos pagtulungang bugbugin at agawin ang kanyang service firearm at iputok sa kanya ng apat na suspek habang kumakain ang biktima sa isang tapsihan, kahapon ng madaling araw sa Barangay Sta. Ana, Taytay, Rizal.
Kinukundena ni Rizal Police Provincial Office sa pamumuno ni PCol. Rainerio De Chavez, ang walang awang pagpatay kay PSSg Allan Guimpayan.
Naaresto naman sa isinagawang hot pursuit operation ang mag-ama na sina Caoso Poblador Belda Sr., alyas Pulding at Dexter Poblador Belda alyas Bibe habang pinaghahanap naman sina Caroso Poblador Belda Jr. Eleo Poblador Belda.
Nagsagawa ng operation ang mga tauhan ng Warrant Section ng Taytay MPS nang makaramdam ng gutom si Guimpayan at kumain mag-isa sa Kamunyang Tapsihan and Pares sa Blk 7, Purok 2, Sampaguitan Ave., C6 Road Lupang Arenda, Brgy. Sta.Ana, Taytay, Rizal bandang 12:50 Huwebes ng madaling araw.
Ayon sa report, habang kumakain mag-isa ang biktima ay nilapitan siya ng isang grupo ng kalalakihan kabilang ang dalawang naarestong suspek at dalawa pang kaanak at walang awang pinagtulungang bugbugin at agawin ang kanyang service firearm at ipinutok sa kanya ng paulit-ulit na naging sanhi ng kanyang pagkamatay.
Nabatid na si Alyas Pulding ay may dati ng nakulong sa paglabag sa RA 9165 o Comprehensive Dangerous Drugs Act of 2002, RA 10591 o Comprehensive Law on Firearms and Ammunition, Illegal Discharge of Firearms, BP 6, at PD 1602.
Patuloy na nagsasagawa ng hot pursuit operation ang Taytay MPS at Rizal PPO-PIU para sa mabilis na paghuli sa mga suspek Kasalukuyang nakakulong ang dalawang akusado sa Taytay Custodial Facility habang inihahanda ang mga dokumento sa kinahaharap na kaso.
