NASAKOTE ng mga tauhan ng Warrant and Subpoena ng Pasay City Police Station ang kinikilalang Top 5 Station Level Most Wanted Person ngayong 3rd quarter ng 2023 sa Barangay Cupang, Antipolo City.
Sa report ng Pasay City Police, nahuli si Denden Quilisado y Calo, 42-anyos, walang trabaho at residente ng Antipolo City, ang inaresto bandang 11:00 Biyernes ng umaga sa kahabaan ng Dimsun Street, Barangay Cupang, Antipolo City.
Si Quilisado ay nahaharap sa three counts of Access Devices Regulation Act of 1998 (Credit Card Violation Act) (RA 8484 as amended by RA 11449) docketed under Criminal Case No. R-PSY-22-03055 to 03057-CR, na inisyu ni Hon. Marjury Almojera Madrid-Songgadan, Presiding Judge ng Regional Trial Court, Branch 117, Pasay City na may petsang January 6, 2023 at nilagakan ng ₱60,000.00 na piyansa.
Nabatid na sangkot ang suspek sa pagnanakaw at paggamit ng mga nakaw na credit card.
Kasalukuyang nakakulong ang suspek sa Station Custodial Facility ng Pasay City Police Station.
Related Posts:
About Author
