DATI-RATI shopping at panonood lang ng sine ang karaniwang ginagawa sa mall, ngayon, pati
pagboto pwede na.
Ito ang ipinahayag ng Comelec o Commission on Elections noong Lunes, matapos lagdaan
ang memorandum of agreement sa pagitan ng poll body at SM Supermalls.
Ayon kay Comelec Chair George Erwin Mojica Garcia, ang Barangay at Sangguniang
Kabataan Elections (BSKE) ay gaganapin sa Lunes, Oktubre 30, 2023, mula alas-7:00 am
hanggang 3:00 p.m.
Magkakaroon ng 12 voting centers sa SM malls sa Metro Manila, isa sa Legazpi City, at isa rin
sa Cebu City. Inaasahang makikinabang ang mahigit 300,000 botante mula sa mga
nabanggit na lugar.
Prayoridad sa pagboto ang senior citizens, PWDs, mga buntis, at mga botanteng nais bomoto
sa SM malls. Pero nilinaw ng Comelec na ang pagboto sa mall ay para lamang sa mga
malalapit na barangay na pumayag na sumali sa mall voting.
Sinabi ni Garcia na kapag matagumpay ang 2023 mall voting, ito ay uulitin sa 2025 BSKE
elections sa lahat ng SM malls sa buong bansa.
