Tinamaan ng dalawang mananaya ng Mega Lotto 6/45 ang mahigit ₱121 million na jackpot price na binola noong Lunes ng gabi.
Ayon sa Philippine Charity Sweepstakes Office (PCSO), ang jackpot amount ng Mega Lotto 6/45 ay nasa ₱121,816,502.40 na may winning combination na 09 – 07 – 29 – 28 – 11 – 18.
Sinabi ng PCSO na isang mananayang taga-Davao City ang bumili ng ticket sa outlet ni Perales, Edna sa Sto. Rosario St. Palm Drive, Buhangin habang ang isa naman ay bumili sa Betmagic Gaming Corporation lotto outlet sa Lianas, Mutya ng Pasig Mall, Pasig City.
Samantala, 252 players naman ang nanalo ng tig-₱32,000, habang 7,690 ang nanalo ng ₱1,000 at nasa 92,098 mananaya ang nanalo ng tig-₱30.
Sa ngayon ay wala pa ring nakakakuha sa jackpot prize na ₱622,896,835.60 ng Grand Lotto 6/55 na may winning combination na 08 – 18 – 24 – 17 – 28 – 04.
Gayunman, may nanalo naman ng ₱100,000 na 215 katao, nasa 7,389 players ang nanalo ng ₱1,500 at 96,047 mananaya naman ang nanalo ng ₱60.
