Sa harap ng bagong movie offers, sinabi ni Cedrick Juan — ang best actor sa 49th Metro Manila Film Festival — na gusto niyang bumalik kung saan siya nagsimula, sa teatro.
Si Cedrick, na gumanap bilang Padre José Burgos sa “GomBurZa,” ay nagsabing sa teatro siya nahasa at nagkaroon ng disiplina sa pag-arte.
“Most of the actors, at least kailangan nila magkaroon ng theater experiences because the
discipline is there, the core is there,”saad ni Juan sa isang interview ng CNN Philippines.
“They will not tell you to focus on your vanity, like kung ano magiging itsura mo whenever you act kasi gusto nila na find the truth in every script, in every text, in every context,” dagdag pa niya.
Sinabi ni Cedrick na ang kanyang karanasan sa teatro ay nakatulong na mahasa siya sa pag-arte pati na ang pagiging isang matured na indibiduwal.
Nauna nang gumanap si Juan sa ilang MMFF films kagaya ng “Goyo: Ang Batang Heneral” at “Die
Beautiful.”
Sa teatro naman, gumanap siya bilang Dusyanta sa “Dusyanta: Ang Singsing ng Kapalaran”, at bilang Maximo sa “Mula Sa Buwan”.
“Pwede siya [teatro at pelikula na] maging collaborative talaga. We’ll get to teach each other kung ano ‘yung mga edge natin at ang magpo-prosper rin naman ay ang Philippine
entertainment industry,” pagtatapos ni Juan.
Bukod sa Best Actor award, nakopo rin ng “GomBurZa” ang Best Director, Best Sound, Best
Production Design, Best Cinematography, at ang Gatpuno Antonio Villegas Cultural Award.
