Mahigit ₱80-K halaga ng iligal na droga, nasabat sa Malabon City

Aabot sa ₱88,400 na halaga ng shabu ang nasabat ng mga otoridad sa Brgy. Bayan-Bayanan, Malabon City.

Narekober ang mga iligal na droga mula sa dalawang suspek na kinilalang sina alyas Josie, 38-anyos at alyas Pungay, 43-anyos, kapwa residente ng Barangay Hulong Duhat.

Ayon kay PCol. Jay Baybayan, hepe ng Malabon City Police Station, bandang 11:00 kamakalawa ng gabi noong December 16, nang madakip ang dalawa sa General Luna Street corner Esguerra Street, Brgy. Bayan-Bayanan, matapos ang ikinasang buy bust operation.

Nakumpiska mula sa mga suspek ang apat na plastic sachet na naglalaman ng shabu at ₱500 buy-bust money.

Sa ngayon ay nakakulong ang dalawang suspek sa Malabon custodial facility.

About Author

Jaya Luzuriaga

See author's posts