NAHULIHAN ng marijuana na nagkakahalaga ng tumataginting na ₱1.6 milyong ang isang delivery rider sa isinagawang buy-bust operation ng mga operatiba ng anti-narcotics team ng Pasig PNP, Linggo ng umaga.
Ayon kay PCol. Hendrix Mangaldan, chief of police ng Pasig City, kinilala ang suspek na si alyas “Buknoy,” 27, isang delivery rider na agad na inaresto matapos magbenta ng nasabing ilegal na droga sa isang undercover agent.
Ayon kay Mangaldan, ang nasabing operasyon ay isinagawa ng Drug Enforcement Unit ng Pasig PNP sa Sandoval Avenue, Brgy. Pinagbuhatan, Pasig City dakong alas-2:45 ng madaling araw, Hunyo 22, 2025.
Narekober ang mga pakete ng pinaghihinalaang marijuana (kush), lakip na ang isang heat-seald transparent sachet, 2 self-sealing plastic bag at isang cling-wrapped bundle—lahat ay naglalaman ng dried fruiting tops ng marijuana.
Idinagdag pa ng chief of police na lampas sa 1,100 gramo ang timbang ng nasabing ilegal na droga na tinatayang nagkakahalaga ng ₱1,650,000.
Kasama rin sa narekober ang minarkahang buy-bust money—kasama ang ₱1,000 bill at ₱500 bill—na nakumpiska bilang karagdagang ibidensya sa nasabing ilegal na transaksyon ng suspek.
Nasa kustodiya na ng Station Drug Enforcement Unit (SDEU) si alyas “Buknoy” para sa dokumentasyon at sasampahan ng kasong paglabag sa Republic Act 9165 o Comprehensive Daqngerous Drugs Act of 2002.
Related Posts:
298 RMFB na dinala sa BARMM, binigyang parangal
Gun permit ng maangas na driver na nanutok ng baril sa siklista, binawi ng PNP
Nanaksak ng kainuman, hina-hunting ng Malabon Police
Cash assistance, tax amnesty para sa rice retailers ng Marikina
Hepe ng Rodriguez Police sibak sa 'mistaken identity’
9 na barangay sa Maynila nakatanggap ng solid waste management tools mula sa MMDA; bagong warehouse ...
Ex-taxi driver buking sa pagpasabog sa NAIA Terminal 3, nahuli na
Isang barangay tanod patay, 4 sugatan sa 2 magkasunod na sunog sa Pasig City
About Author
