NADAKIP ng Taytay Police ang suspek na halos 16 taon nang nagtatago sa kinahaharap na patung patong na kaso ng panggagahasa at child abuse at tinaguriang Most Wanted person ng Calabarzon.
Kinilala ang akusado na si alyas Dante, 33-anyos, residente ng Barangay San Juan Taytay, Rizal.
Ikinasa ang manhunt operation ng pinagsanib na pwersa ng Taytay MPS, PIU-Rizal PPO, PIT-Rizal RIU at Rizal Provincial Mobile Force Company noong February 27, 2024 bandang alas-9:40 ng gabi sa Bautista St., sa nasabing barangay.
Sa ngayon ay nakakulong sa Taytay Custodial Facility ang akusado para sa tamang disposisyon at pagproseso ng kaso.
