SINABI ni Sen. Grace Poe na kailangan ang mas mahigpit na mga hakbang para maitigil na ang scams o panloloko para maprotektahan ang mga Pilipino habang nauuso na ang online banking at e-wallets.
“They say that there are only two certain things in life: death and taxes. Ngayon, mukhang kinakailangan na nito ng amendment: death, taxes, and scams… These fraudulent schemes and rackets have become the bane of our financial consumers,” ani Poe.
Si Poe ang isa sa sponsors Senate Bill (SB) No. 2560 o ang “Anti-Financial Account Scamming Act”, na nai-file noong 2021.
Dahil daw sa pandemic, naging palasak na ang online financial transactions kasali na ang e-wallet, pero may malaking panganib dito dahil sa pagdami ng
scammers.
Nitong nakaraang linggo, sinabi ni Poe na may 120 e-wallet account holders ang nawalan ng pera dahil sa scammers.
Noong 2022, pang-lima ang Pilipinas sa southeast Asia na may pinakamaraming insidente ng phising attacks.
Ang phising ay isang pamamaraan — na kadalasan ay ginagawa online — para makuha ang sensitibong impormasyon ng isang tao — gaya ng bank account numbers, passwords, atbp. sa pamamagitan ng solicitation ng mga nagpapanggap na lehitimong negosyo o tao.
Sa kaparehong taon, ₱623 milyon ang nanakaw dahil sa fraud, ₱623 milyon sa phishing at ₱409 milyon sa identity theft.
“Ngayon naman, hihigpitan natin ang seguridad ng ating mga financial accounts tulad ng GCash, Maya, online banks, pati mga e-wallets ng mga pinakagamit na apps tulad ng Shopee, Lazada at Grab,” pagtatapos ni Poe.
Related Posts:
40-M bariles ng langis, nasa Palawan Cadlao field
Sagot ni Mayor Vico kaugnay sa artikulong inilathala ng BRABO News
17,500 na ofws, pwede nang umuwi mula lebanon;pagkakaligtas ng ofw sa hamas, tila eksena sa pelikula
Kakulangan sa pondo ng SUCs pupunan ng 2024 budget — Gatchalian
Kasunduan sa proyektong pabahay nilagdaan ng DHSUD, Pasig LGU
Monsod dismayado sa usad-pagong na planong pagdinig ng senado sa impeachment case vs VP Sara
‘Malicious attack’ sa ots chief ang resign call ni Romualdez?
Magna carta for PS Teachers, ihahain ni Gatchalian
About Author
