Arestado ang isang Chinese national na kabilang sa listahan ng Most Wanted Person sa isinagawang manhunt operations ng mga otoridad nitong Huwebes, sa kahabaan ng Macapagal Avenue, Barangay 76, Zone 10, Pasay City.
Dinakip ng Pasay City Police, si alyas ‘Ching,’ Chinese national, 25-anyos, na Rank 6 sa Most Wanted Person lists, sa bisa ng Warrant of Arrest nq inisyu ni Hon. Jose Janello A. Covarrubias, Presiding Judge ng Municipal Trial Court (MTC), Branch 47, Pasay City, na may petsang October 13, 2023.
Nahaharap ang akusado sa kasong three counts of Attempted Homicide, at inirekomenda ang ₱72,000 na halaga ng bail para sa kanyang pansamantalang kalayaan.
Mayroon din itong kasong Robbery by Use of Force Upon Things, na may recommended bail na ₱72,000, na inisyu ni Hon. Elenita C. Dimagula, Presiding Judge ng Regional Trial Court (RTC) Branch 298, Pasay City, na may petsang July 6, 2023.
Sa ngayon ay nakapiit ang akusado sa Pasay City detention cell habang hinihintay ang pagdinig sa kaso.
Related Posts:
About Author
