NALAMBAT ang isang Indian national na kabilang sa listahan ng Most Wanted Person ng Pililla Municipal Police Station matapos hainan ng warrant of arrest sa kasong lascivious conduct, kamakalawa ng umaga.
Sa report na nakalap mula sa tanggapan ng Provincial Director ng Rizal PNP na si Police Colonel Felipe Maraggun, nakilala ang akusado sa alyas na “Ajay”, Indian National, 28-anyos, residente ng Plaza Aldea, Tanay, Rizal.
Inaresto si Ajay sa bisa ng Warrant of Arrest na inisyu Presiding Judge Hon. Ma. Lourdes Santos Mendoza ng Regional Trial Court, Branch 166, Siniloan, Laguna sa kasong 3 counts sa crimes of lascivious conduct at walang inirekomendang piyansa para dito.
Bandang 8:30 Biyernes ng umaga nang arestuhin ang Indian nationa sa kahabaan ng Barangay Bagumbayan, Pililla, Rizal makaraang magsagawa ng operasyon laban sa Most Wanted Person ang mga tauhan ng Pililla Municipal Police Station na nag resulta sa pagkakaaresto sa suspek.
“Sa ilalim ng pinaigting na Patrolya sa Bayan ay malaki ang naging epekto nito sa mga operasyon ng ating pulisya sa Rizal para labanan ang mga ilegal na gawain at mapanagot ang mga personalidad na nag tatago sa batas kung saan katuwang natin ang iba’t-ibang sector ng lipunan upang sama-sama nating sugpuin ang kriminalidad sa ating probinsya at makamtan natin ang mas ligtas at progresibong lalawigan ng Rizal”, ayon kay PCol. Maraggun.
