KAILANGAN nang magtrabaho ni Bimby.
Ito ang naging desisyon ni Kris Aquino sa kanyang anak dahil palaki nang palaki raw
ang gastusin sa pagpapagamot niya sa U.S.
Kasama rin ni Kris sa Amerika ang kanyang dalawang anak na sina Joshua at Bimby.
Ayon sa report ng Pep.ph, sinabi ni Kris, “Bimb might go home after my birthday. He
needs to work because my medical bills are already getting higher and higher.”
Sa kanyang huling Instagram post nitong Linggo, Enero 21, sinabi ni Kris na hindi pa rin
bumubuti ang kanyang kalagayan magmula nang huli siyang mag-post noong
Nobyembre 2023.
Palagi raw nanghihina si Kris at nawawalan ng gana, kaya kadalasan gatas na lang ang
kanyang iniinom, sa harap nang paulit-ulit na sakit ng ulo.
“I was having dizzy spells, and my BP (blood pressure) had very weird fluctuations,”
ayon pa kay Kris.
May sakit si Kris na Systemic lupus erythematosus o lupus, Ito ay isang auto-immune
na sakit na kung saan inaatake at sinisira ng kanyang immune system ang healthy
tissues at organs sa kanyang katawan.
Sa kabila nito, positibo pa rin si Kris, at nagsabing, “I’m promising all my friends, plus
all who continue to pray for me: bawal sumuko, tuloy pa rin ang laban.”
