Dalawang tulak ng iligal na droga ang naaresto ang nadakip ng mga otoridad sa ikinasang buy-bust operation ng Caloocan City Police, kahapon ng madaling araw sa Bagong Silang.
Kinilala ang mga suspek na sina alyas “Adrian” 32-anyos, promodiser ng isang supermarket, residente ng Phase 9 Package 7 Bagong Silang, Brgy. 176 at alyas “Anthony Kulot”, 42-anyos, residente ng Gaya-Gaya Heroes Village, Bulacan.
Nabatid na kabilang ang dalawa sa listahan ng high value individual (HVI).
Dakong 12:44 kahapon ng madaling araw nang magsagawa ang mga operatiba ng buy bust operation sa Robes 1, Brgy. 175, Camarin, kung saan naganap ang transaksyon makaraang tanggapin ang ₱29,000 boodle money na may kasamang isang tunay na ₱1,000 na marked money bilang buy-bust money kapalit ng ibinentang shabu sa isang pulis na nagpanggap na buyer.
Nakumpiska mula sa mga suspek ang humigi’t kumulang 375.6 gramo ng hinihinalang shabu na nagkakahalaga ng ₱2,554,080, maging ang buy bust money at isang paper bag.
Nahaharap ang dalawang suspek sa kasong paglabag sa Section 5 at 11 ng Article II ng R.A. 9165 o ang Comprehensive Dangerous Drugs Acts of 2002.
Related Posts:
Obrero huli sa P102-K shabu
Tirador ng vape shop nalambat sa Malabon
Sekyu kalaboso sa rape, child abuse
3 tulak arestado sa P400K shabu sa Valenzuela
P340-K shabu nasabat sa buy bust sa QC
P340-K na Halaga ng shabu, nakumpiska sa Pasig
Top 6 wanted ng Makati, nasakote
Police major kinasuhan ng pangmamaltrato
About Author
