Arestado ang isang drug peddler matapos makuhanan ng P340-K halaga ng shabu sa ikinasang buy bust operation ng Kamuning Police Station (PS 10), kahapon ng madaling araw sa Brgy. E. Rodriguez, Quezon City.
Kinilala ni PLtCol. Robert Amoranto, Station Commander ng PS 10 ang naarestong susek na si Paolo Bien Nash, 45-anyos, residente ng 138 Cambridge St., Brgy. E. Rodriguez, Quezon City.
Inaresto ang suspek bandang 12:05 Martes ng madaling araw matapos ang koordinasyon sa pag-aresto sa suspek makaraan ang ikinasang buy-bust operation at magkabentahan ng droga na halagang P40,500.00 sa isang pulis na umaktiong buyer.
Nakumpiska mula sa suspek ang aabot sa 50 gramo ng shabu na nasa P340,000 ang halaga, isang pouch, cellular phone, at buy-bust money.
Kasalukuyang nakakulong ang susek at sinampahan ng kasong paglabag sa R.A. 9165 o Comprehensive Dangerous Drugs Act of 2002.
Related Posts:
About Author
