YAYAMANIN nga ba si Sandara Park?
Tila totoo ang tsismis na sobrang-yaman si Sandara o Dara, at siya ang richest K-pop idol, kahit
todo-deny siya rito.
Inamin kamakailan ni Dara sa South Korean variety series na Cultwo Show na namigay siya ng
isang milyong Korean Won, o katumbas ng mahigit P40,000 sa isang taong hindi niya-kaano-
ano.
Napag-usapan sa programa ang kaugalian sa Korea ang pagbibigay ng pera sa host ng isang
okasyon kagaya ng kasal o libing. “Congratulatory money” ang tawag ng Koreans dito.
Ang pera na nakalagay sa isang envelope ay isang regalo, na ibibigay sa bagong kasal para
makatulong mabayaran ang ginastos sa reception.
Sa Pilipinas lumaki si Dara kasama ang kanyang mga magulang, kaya hindi niya alam ang
kaugaliang ito sa Korea.
Ni-recall niya na minsa’y nagbigay siya ng isang milyong Won o katumbas ng P42,101 sa isang
kakilalang lalaki. At nang nagkita silang muli, inilibre si Dara ng lalaki ng beef.
Alam na ni Sandara na hindi naman kailangang malaking halaga ang ibibigay sa mga ganitong
okasyon o hindi naman masyadong maliit, basta tama lamang, depende kung malapit na kamag-
anak o close friend ang pagbibigyan.
Unang sumikat sa Pilipinas si Sandra nang Manalo sa Star Circle Quest 2004 ng ABS-CBN.
Dahil sa patuloy niyang pagsikat sa bansa magmula noong 2004, patuloy ding lumaki ang
interes ng mga Pilipino sa Korean telenovela at K-pop.
Pagkatapos nito, umangat ang kanyang K-pop career sa dating grupong 2NE1 matapos mag-
artista sa Pilipinas.
Tinatayang mayroon daw halos 30 bilyon Won o P1.2 bilyon, ang assets ni Sandra, pero ito’y
itinanggi niya. Hindi kaya 29.9 bilyon Won lang?
