NILANGAW daw ang special screening sa US ng pelikula ni Bea Alonzo na 1521: The Quest
for Love and Freedom, na ipinalabas noong Oktubre 2, ayon sa showbiz portal na Pep.ph.
Ayon kay Louie Alejandro na naka-base sa Phoenix, Arizona, na mukhang very interesting ang
pelikula kaya kaagd siyang bumili ng tiket.
Aniya, “Alam ba ninyo na ang pelikulang ito ay pinalabas ng isang araw na isang screening lang
sa 200 moviehouses sa buong Amerika? Pero walang promotion na maayos.”
Nagkumahog daw siya para makakuha ng ticket sa special screening ng pelikulang tampok ang
Kapuso actress na si Bea Alonzo bilang si Diwata.
Excited daw talaga si Alejandrino dahil pagkakataon na niyang makapanood ng pelikula ng mga
Pilipinong artista. Pero nadismaya sila dahil pagpasok niya ng sinehan, siya lang ang tao.
Pagkaraan ng ilang minuto, mayroong mag-inang pumasok. At habang nag-uumpisa ang
pelikula, apat lamang silang nanonood sa malaking sinehan.
Hindi raw niya alam kung maraming nanood sa ibang sinehan, pero nanhinayang siya dahil ang
pelikula ay kwento nang pagpunta ni Ferdinand Magellan sa Pilipinas noong 1521.
“In fairness naman sa pelikula, ang ganda nang pagkagawa. Maganda rin ang acting ni Bea
Alonzo at saka mga American actors. Magaling sila, in fairness talaga sa kanya, kaya niyang
mag-deliver ng acting in English.”
Kung ihahambing sa 1521… mas gusto raw niya ang pelikulang Maria Clara at Ibarra, na kung
saan si Barbie Forteza ang bida.
Ayon sa isang dating showbiz reporter, kulang na kulang ang promotions ng pelikulang 1521,
lalo na sa mahigit dalawang milyong Pilipino na nakatira sa Amerika, pati na rin sa mga ibang
lahi na may asawang Pilipina na naninirahan sa U.S.
