Nalambat ng mga tauhan ng Pasig Police ang isang wanted na rapist matapos hainan ng warrant of arrest sa kasong statutory rape, kamakalawa na naaresto sa Rosario Village, Brgy. Rosario, Pasig City.
Kinilala ni PCol. Celerino Sacro, Jr hepe ng Pasig City Police Station ang akusado na si alyas “Oleg”, 20-anyos, residente ng Brgy. Rosario, Pasig City.
Inaresto si Oleg bandang 12:50 kamakalawa ng hapon sa Rosario Village, Brgy. Rosario, Pasig City ng mga tauhan ng Station Warrant and Subpoena Section, Women and Children Protection Desk, sa bisa ng warrant of arrest na inisyu ni Hon. Nicanor Aureus Manalo Jr., Pairing Judge ng Regional Trial Court Branch 159,
Pasig City sa kasong Statutory Rape sa ilalim ng Article 266-A, par. 1 ng Revised Penal Code as amended by R.A. 8353 at R.A. 11648 in relation to R.A. 8369 dated September 25, 2023, na may Criminal Case No. R-PSG-23-02197-CR at walang inirekomendang piyansa.
Kasalukuyang nakakulong sa Pasig custodial facility ang suspek habang hinihintay ang paglilitis sa kaso.
Related Posts:
About Author
