LABIS na nagluluksa ngayon si Fatima Alvir, dating miyembro ng That’s Entertainment dahil sa
aksidenteng kumitil sa kanyang 21-anyos na anak na si Paul Keagan Jaravata.
Si Paul ay nagtamo ng serious brain injury dahil sa isang aksidente sa pag-i-skateboarding nitong
September 1, sa Emmitsburg, Maryland, USA, ayon sa ulat ng Pep.Ph.
Dahil walang dalang ID si Jaravata, humingi ng tulong sa publiko ang pulisya para makilala ang
biktima.
Ayon sa report ng Frederick County Sheriff’s Office, noong Sept. 1, 12:10 a.m., humingi nang
emergency medical assistance ang FCSO deputies dahil diumano sa isang indibidwal na walang
malay, at tila nabundol nang kotse.
Dahil hindi magamit ang kanyang dalang cellphone dahil naka-lock, nanawagan ang FCSO sa
pamamagitan ng kanilang Facebook page para makilala ang biktima.
Bago rumesponde ang FCSO, nakatanggap nang tawag ang 911 mula sa isang motorista na
inireport na may walang malay na lalaki, malamang nasa edad 25, ang nasa tabi ng isang
skateboard.
Sinabi ng deputy na ang mga pinsalang inabot ni Paul sa katawan ay nagpapatunay na hindi siya
nabundol ng kotse. Wala rin daw skid marks ang bahagi ng kalsada malapit sa biktima.
“Injuries observed were consistent with a hard fall at speed coming down a hill and not with being
struck by a motor vehicle according to Emergency Medical Services personnel.
Inilipad ng Maryland State Police Trooper 3 si Paul sa University Medical Center at inaasahang
makaliligtas, pero siya ay naging brain-dead at namatay makalipas ang ilang araw.
Ayon sa kanyang ina, isang organ donor si Paul, kaya maraming buhay ang mababago, sakaling
maisalin ang kanyang vital organs sa mga taong mangangailangan nito.
Bumuhos ang pakikiramay kay Fatima at sa kapatid na si Mon Alvir, mula sa mga dating
kasamahan sa That’s Entertainment nang nalaman nila ang malungkot na balita.
Nakikiramay po ang BraboNews sa mga naulila ni Paul.
