Isa na namang wanted na kabilang sa wanted list ng Makati City Police ang nasakote matapos hainan ng warrant of arrest sa kasong illegal na droga.
Kinilala ng Makati City’s Top 6 Most Wanted Persons (TTMWP) ang suspek na si Oliver Jose y Olis, 32-anyos na hinainan ng warrant of arrest na inisyu ni Honorable Judge Jacob Macalla Montesa II, Presiding Judge ng Regional Trial Court (RTC) Branch 63 ng Makati City na may petsang July 21, 2023, at walang inirekomendang piyansa.
Inaresto si Jose ng mga tauhan ng Warrant and Subpoena section ng Makati City Police kasama ang personnel ng West Rembo Police Station bandang 1:30 ng hapon sa Orkidia St., Brgy. Rizal, Makati City.
Nahaharap sa kasong paglabag sa Section 11 Article II ng RA 9165 docketed under Criminal Case Nos. R-MKT-23-00903-CR ang suspek na si Jose.
Kasalukuyang nakakulong ang suspek sa Station Custodial Facility ng Makati City Police Station.
