PANSAMANTALANG hindi mapapanood si Lea Salonga sa Broadway play na Here Lies Love
na isa siya sa lead performers.
Ayon sa post ni Lea, “Thankfully my overall symptoms were mild, quite a different experience
from my first bout with the virus… Although I did wish to return by the weekend, COVID had
other ideas, so out of an abundance of caution for audiences, co-workers and myself, I opted
to take all the time to rest and heal.”
Ayon sa kanyang post kahapon, dumarami na naman daw ang nagkaka-Covid-19 sa Amerika,
pero ang mga sintomas nito ay hindi kasing-lala noong kasagsagan ng epidemya.
Samantala, isang vlogger, si Rendon Labading o Labador ang paulit-ulit na tinawag si Lea na
“laos” sa kanyang vlog, kahit na wala naman siyang anumang basehan.
Ayon sa ilang netizens, malinaw pa sa sikat ng araw na “hindi laos” si Lea dahil marami pa
siyang projects bilang singer, contest judge, at concert producer. At ang pagtawag sa isang
“national entertainment treasure” na “laos” ay ang pinakamataas na antas ng kabastusan at
pang-iinsulto.
Si Rendon din ang tumawag sa MTRCB na “inutil” dahil pinalusot daw nito ang paghahalikan
ng mag-asawa at senior citizens na sina Tito Sotto at Helen Gamboa sa national TV.
Tinawag pa nito si Tito na (aktibong) senador at lider kahit na wala na ito sa pwesto.
Hindi naman daw dapat na pinapatulan ang “bobo at may zero IQ” na katulad ng vlogger dahil
“puro ngakngak” lang ang alam nito dahil sa “zero sense” ang mga sinasabi.
