IBINUNYAG ng Kapamilya actress na si Andrea Brillantes na gumastos daw siya ng kabuuang isang milyong piso sa kanyang ex-boyfriend na si Ricci Rivero.
Sa isang interview ni Vice Ganda kamakailan, sinabi ni Andrea na halos lahat ng mga gamit ni Ricci sa kanyang condo ay regalo niya, dahil mahal daw niya ito.
Nang tanungin kung magkano ang kabuuang halagang iniregalo niya kay Ricci, sinabi ni Andrea na umabot daw ng milyon, “bakla akong magmahal”, dugtong pa niya.
Hindi raw pinagsisisihan ng aktres ang malaking ginastos niya sa basketbolistang boyfriend, kasi
nagmahal daw siya. Pinagsisisihan lang daw niya ay ‘yung mga masasakit na salita na sinabi niya
sa boyfriend, dahil hindi naman daw siya perfect.
Hindi raw binalak na bawiin ni Andrea ang lahat ng mga iniregalo niya kay Ricci kahit break na sila, at kung gagawin daw niya iyon, wala raw matitirang gamit sa condo nito.
Ayon sa ilang netizens, si Andrea raw ang pinakabatang sugar mommy, at ang relasyon daw kung
sa pera-pera lang, tiyak na hiwalayan ang kasunod.
Nalungkot daw si Andrea sa break-up pero aniya pa, “Iiyakan ko ba ‘yung lalaking hindi nagpapa-
laundry sa loob ng isang taon!?”
Related Posts:
About Author
