MALUNGKOT na naglabas kamakailan, ng saloobin si KC Concepcion tungkol sa mga
hamong hinaharap niya bilang produkto ng broken family.
Ito ay bunsod nang diumano’y gusot sa kaniyang relasyon sa step-father na si ex-Sen.
Francis Pangilinan at sa anak nitong si Frankie.
May mga pagkakataon daw na nalulungkot si KC dahil sa pagiging “mag-isa ka sa gitna”,
dahil sa paghihiwalay ng kanyang mga magulang na sina Sharon Cuneta at Gabby
Concepcion.
Isang malaking hamon daw para kay KC na bumuo ng relasyon sa kani-kanilang pamilya
nina Sharon at Gabby o sa blended family.
“Feeling ko, parang naging responsibilidad kong maging okay sa lahat, and to make sure na
may relationship ako sa lahat… Kasi family is very important for me. I love (my) family,” ani
KC a isang interview ni Ogie Diaz noong Agosto 30, 2023.
Alam ng dalaga na hindi mauunawaan ng publiko ang kanyang pinagdadaanan.
“Yung mga pamilya po na buo, yung hindi nakaranas ng hiwalayan, hindi nakaranas ng
nawalay sa isa’t isa, baka po mahirapan maintindihan yung mga blended family.”
Nilinaw ni KC na hindi raw bawat kapamilya ay makakasundo ng isang miyembro,
“So, kung sakali man na merong away o hindi pagkakaintindihan, it’s okay. It will be okay”
pagtatapos ni KC.
Hindi naungkat sa interview ni Diaz kung ano ang puno’t dulo nang hindi pagkakaunawaan
ni KC at sa stepfather nito.
