Dalawang pulis-Quezon City ang sinibak sa pwesto matapos silang madawit sa nag- viral na video na nagpakita nang wala ng buhay na si Ronaldo Valdez.
Ayon kay Philippine National Police (PNP) Spokesperson Col. Jean Fajardo, nakausap niya si QCPD head Brig. Gen. Rederico Maranan na nagpatupad ng utos.
Hindi pinangalanan ang dalawang pulis, kabilang ang station commander nito.
“This is a regrettable incident na hindi dapat kumalat sa social media. Kung ito ay kuha ng ating first police responders for documentation purposes, wala po sanang naging problema,” paglilinaw ni Fajardo.
Nasa QCPD holding unit na ang dalawa habang gumugulong ang imbestigasyon.
Matatandaang nag-viral sa social media ang kuha sa kuwarto ni Valdez sa Barangay Mariana, New Manila, Lungsod Quezon na wala nang buhay at nakaupo sa silya at may tama ng bala ng baril sa kanyang kanang sintido.
Ito ay nai-post sa social media kahit na nauna nang humiling ang anak ni Valdez na si Janno Gibbs na igalang ang kanilang panahon nang pagdadalamhati.
Iniimbitigahan na ngayon ng National Bureau of Investigation (NBI) ang kaso ng nag- viral na video at hindi magtatagal, matutukoy na nila kung sino ang unang nag-upload nito.
