ARESTADO ang isang nursing student sa isinagawang entrapment operation ng Pasig City Police Station sa kasong robbery extortion, madaling araw ng Mayo 23, 2026 sa Ortigas Center, Pasig City.
Ayon sa police report, kinilala ang suspek na si “Jessia,” 26, isang nursing student at residente ng Quezon City samantalang ang biktima ay si “Wilfred,” 36-anyos na empleyado ng bangko.
Batay sa ulat, bandang alas-2:30 ng madaling araw nang ikasa ng mga tauhan ng Pasig CPS ang entrapment operation sa Cotti Coffee sa Ortigas Centre, Brgy. San Antonio, na nagresulta sa pagkakaaresto ng suspek.
Bago nito, nagtungo muna ang biktima sa Ortigas Police Sub-Station upang magsumbong hinggil sa umano’y patuloy na pangingikil sa kanya ng suspek simula pa noong Marso 9, 2026 na umabot na sa humigit-kumulang ₱600,000.
Sinabi ni “Wilfred” na nagbanta umano ni “Jessica” na ibubunyag nito sa kaniyang pamilya ang mga maseselan nilang video kaugnay sa kanilang naging imoral na relasyon noong Disyembre 2024 at Enero 2025 at mas matindi pa ay sa kaniyang pinagtatrabahuang bangko.
Dahil sa walang tigil na pangingikil, napuno na ang biktima nang muli itong humiling ng halagang ₱6,000 nitong Mayo 22 para umano sa pang-enroll ng suspek.
Sa nasabing entrapment operation, matagumpay na naaresto ang suspek at narekober ang marked money na binubuo ng isang tunay na ₱1,000 bill at limang piraso ng boodle money.
Kasalukuyang nakapiit ang suspek sa custodial facility ng Pasig CPS at inihahanda na ang kaukulang kasong kriminal sa Pasig City Prosecutor’s Office.
