WEIRDO!
Ito ang tawag ng kanyang friends sa isang teenage fan ni George Castro, DJ ng DWWW, dahil mahilig itong makinig ng oldies but goldies music: Frank Sinatra, Nat King Cole, Tony Bennet, Karen Carpenter, atbp.
Mahilig talaga sa musika ang fan na si Nicole, 16, at gusto niyang pumasok sa UP Conservatory of Music sa susunod na taon.
Samantalang ang kanyang mga ka-edad ay nakababad sa earbuds at halos buong maghapong pakikinig ng rap at heavy-metal music, hindi raw ito attractive kay Nicole. Ingay o “sounds of protest” ang rap at heavy metal, dahil masakit daw sa tenga ang paulitulit na lyrics na “nonsense”.
Nag-aaral si Nicole ng Classical piano lessons kaya alam daw niya ang basta ingay o totoong musika.
Mapapakinggan si George sa DWWW AM Radio, mula Lunes hanggang Biyernes, 9:30 pm – 1:00 a.m, sa kanyang programang “Just for Tonight”.
Ilan sa mga suki ni George ang doctor-singer na si Zonoy Zuñiga, pati na rin sina Atty. Romulo Macalinta, Dulce, Darius Razon, Rafael Centenera, atbp.
Mostly, ang mga suki ni George ay seniors, retirees, professionals, dating OFWs, drivers at pasahero ng taxi, Grab, at iba pang transport companies. Pero may ilang “weirdos” na bagets gaya ni Nicole na patuloy na nakatutok sa programa pagsapit ng 9:30 p.m.
Nag-OFW sa Sri Lanka
Mahirap din ang pinagdaanan ni George noong siya’y OFW sa Sri Lanka, bilang station manager ng English FM station na Legends 96.6, a decade ago.
Nagsimula siya sa istasyon from scratch, hag-hire ng DJs at iba pang staff. Siya rin ang gumawa ng playlist para sa araw-araw na broadcast, at nag-train ng bagong DJs.
Maraming beses na nagkaroon ng friction sa pagitan nina George at ilang Sri Lankan DJs, dahil sa hindi sila pagkakaintindihan at bad English accent ng mga ito, parang Indian accent.
Samantala, taliwas sa doomsday predictors, “Radio will stay forever! More importantly, DJs, especially Filipinos will never be replaced convincingly by AI (Artificial Intelligence),” pagdiriin ni George.
Kahit daw meron nang AI na Tagalog, Cebuano, Iloco, atbp., hindi pa rin katanggap- tanggap ang kanilang accent, kaya malabo nitong palitan ang Pinoy DJs.
Kung gusto ninyo ng mellow, relaxing music, ‘yung tunay na music, ugaliing making kay George Castro, sa “Just for Tonight”, sa DWWW, 774 AM, Lunes hanggang Biyernes. Hindi n’yo na kailangang maging “weirdo” para mag-enjoy sa quality music.
