ABOT-TENGA ang ngiti ng mga senior citizen hatid ng mga reporter sa Cainta, Rizal sa isinagawang feeding program, umaga ng Nobyembre 15, 2025.
Maliban sa pagkain, ipinagpasalamat din ng mga inabandunang lola’t lolo ang mga regalong dala ng mga mamahayag na kabilang sa PaMaMariSan-Rizal Press Corps.
Ang 42 senior citizen ay nanunuluyan sa One Cainta Sunset Retreat na pinatatakbo ng lokal na pamahalaan ng Cainta na matatagpuan sa Greenland Subdivision.
Sa isinagawang orientation ng social worker na si Abegail Mae Pastor, ang nasabing retreat house umano ay isa sa mga malalaking proyekto sa ilalim ni Cainta Mayor Keith Nieto.
“Mahal ni Mayor ang ating mga senior citizen dahil ayaw niyang napagpag-iwanan ang mga may-edad na [sa aming bayan],” sabi ni Pastor.
Isa sa mga pangunahing hatid ng nasabing pasilidad ay ang pangalagaan ang kalusugan ng mga lolo’t lola at komportableng pahingahan.
“Pinapakain namin sila lima hanggang anim nab eses isang araw-almusal, snack s aumaga, tanghalian, snack sa hapon at hapunan. At minsan ay may midnight snack pa sakaling gising pa ang iba bago maghatinggabi,” ayon pa kay Pastor.
