INIHAYAG ngayong umaga ng Palasyo ng Malakanyang sa pamamagitan ni Executive Secretary Lucas Bersamin na inalis na sa puwesto bilang hepe ng Philippine National Police (PNP) si Gen. Nicolas Torre III.
Sa ipinadalang order ni Bersamin na may petsang Agosto 25, 2025, inuutusan nito si Torre na bakantehin ang nasabing opisina at tiyakin na magiging maayos ang turnover sa susunod na itatalagang hepe ng PNP.
Sinabi pa sa nasabing sulat na lahat ng mga baga-bagay kasali na ang mga mahahalagang dokumento, at impormasyon may kinalaman sa nasabing opisina ay patuloy na maisasagawa nang walang hadlang.
Walang sinabi si Bersamin kung ano ang dahilan ng pag-alis kay Torre sa nasabing puwesto.
Ngunit ayon sa nakalap na impormasyon, nagkasagutan umano si Torre at Department of the Interior and Local Government (DILG) Secretary Juanito Victor Remulla may kinalaman sa reassignment ng mga senior police officials.
Ngunit sa nakuhang dokumento ng BRABO News, lumalabas na papalitan si Torre ni General Jose Melencio Corpuz Nartatez Jr.
Hindi pa makumpirma ng BRABO News ang authenticity ng nasabing dokumento.
