UMABOT sa 293 job order employees ng lokal na pamahalaan ng Mandaluyong ang nakahandang i-promote bilang mga casual employees, ayon kay Mayor Ben Abalos.
Sinabi ng alkalde ngayong araw na ayon sa batas, ang isang empleyado na may casual status ay makakatanggap na ng mga benepisyo tulad ng pagtaas ng suweldo, 13th month pay, at iba pa.
”Pinalad ang Mandaluyong dahil patuloy ang paglago ng pamahalaang lungsod kaya napapanahon din na bigyan ng pagkakataong umunlad ang 293 mula sa hanay ng mga JO o job order dahil sa patuloy nilang pagseserbisyo sa publiko,” ang pahayag ni Abalos.
