UMABOT sa 97 production staff ng “Tahanang Pinakamasaya” at 33 kawani ng TAPE Inc. ang mawawalan ng trabaho dahil sa pamamaalam sa ere ng programa.
Matatandaang nang kumalas sina Tito Sotto, Vic Sotto, at Joey de Leon sa “Eat Bulaga” noong Mayo 31, 2023 at lumipat sila sa TV 5, pinili lamang nila ang production staff na gusto nilang makasama.
Nitong Enero 24, nagdesisyon ang Marikina RTC Branch 273 ng injunction laban sa TAPE Inc. na pumipigil sa paggamit ng “Eat Bulaga” trademark, kahit na ito’y iapela pa ng mga Jalosjos sa korte.
Hindi napatunayan ng TAPE na sila ang nakaisip at lumikha ng trademark na “Eat Bulaga”, dahil dito pinalitan ng TAPE ang pamagat na “Tahanang Pinakamasaya”.
Ayon sa report ng Pep.ph, nakapanlulumo ang nakaambang pagsasara ng programa dahil marami ang mawawalang ng trabaho, na karamihan sa kanila ay may binubuhay na pamilya at pinag-aaral na mga anak.
Maraming vloggers at netizens ang natuwa sa pangyayaring ito, pero dapat awa at simpatiya ang ginawa nila sa mga staff na nawalan ng trabaho at hindi dapat gawing katatawanan ang nangyari.
Ang mga staff sa “Tahanang Pinakamasaya” pati na rin lahat ng programa sa TV ay hindi regular employees, kundi talents, kaya sila ay per project ang sweldo—kung walang project, walang kita.
Ayon kay Isay Molato ng Sociedad Filipino Intelligente, dapat kumilos kaagad ang Department of Labor at DSWD para mabigyan nang ayuda ang mga nawalan ng trabaho.
Related Posts:
About Author
