Dismayado ang pamilya ni Jemboy Baltazar sa naging desisyon ng Navotas Regional Trial Court Branch 286 laban sa anim na pulis na sangkot sa pagkamatay ng 17-anyos na binatilyo.
Ito’y matapos isa lamang sa mga ito ang nahatulan ng homicide, apat ang hinatulan ng illegal discharge of firearms, habang abswelto naman ang isa pang pulis.
Iginiit ni Rodaliza Baltazar, ina ni Jemboy, na parang hindi napatay ang kanyang anak dahil tila walang kinahinatnan ang kanilang pagsigaw ng hustisya.
Napakagaan din aniya ng apat na taong pagkakakulong sa pangunahing suspek na si dating Police Staff Sergeant Gerry Maliban.
Sinabi pa ng ina ng biktima na tila pusa lamang o aso ang naging turing sa kanyang anak matapos ang desisyon ng hukuman, at isinantabi lamang ang mga pangarap nito sa buhay.
Noong Agosto 2, 2023, nang mapatay si Jemboy matapos mapagkamalang suspek sa ikinasang police operation sa Barangay NBBS Kaunlaran sa Navotas city.
Related Posts:
Rider na walang helmet, nahulihan ng bala sa Caloocan City
Pasko sa Quezon City, generally peaceful
Duterte, hindi pahuhuling buhay — Roque
Gaganda ang buhay sa 2024 – 92% ng Pilipino
Special election para sa nabakanteng pwesto ni Teves
Pamaskong Handog ng Mandaluyong LGU, umarangkada na
Mario Dumawal namaalam na
3 drug suspects, huli sa buy bust ops sa Caloocan City
About Author
