NABABOY?
Kasi, nag-viral ngayon online ang Miss Universe (Miss U) pageant, hindi dahil sa pwede nang sumali ang overweight na contestant, kundi, sa pagtanggap diumano ng mga gurang, transgender, diborsyada, at may-anak na.
Dahil dito, labis na nababastos ang pageant at bumaba nang husto ang kredibilidad nito sa paningin ng global community—dahilan para umatras ang malalaking advertisers.
Ito ang obserbasyon ng netizens matapos nag-viral sa social media ang video ng transgender na si Anne Jakkapong Jakrajutatip, pangulo ng JKN Global Group (JKN), franchisee ng Miss U na pinag-uusapan ito.
Matatandaang naging sobrang kontrobersiyal ang 2023 Miss U dahil sa diumano’y pandaraya kay Miss Philippines Michelle Dee.
Ipinalit sa kanya sa semi-finals si Miss Thailand, Anttonia Porsild. Nauna nang lumabas online ang pangalan at larawan ni Dee bilang semi-finalist, pero ilang sandali lang, pinalitan ito ng larawan ni Porsild.
Nitong 2023, si Miss Netherlands Rikkie Valerie Kollé at Miss Portugal, Marina Machete Reis—ang dalawang transgenders na tinanggap sa kompetisyon, samantalang si Miss Guatemala, Michelle Cohn ay may dalawang anak.
Wala pang opisyal na pahayag si Jakrajutatip tungkol sa nag-viral na video, pero sinabi niyang kakasuhan daw ang mga taong nagpapakalat ng maling impormasyon.
