Arestado ang isang lalaki na nakatala bilang top 10 most wanted person sa Northern Police Ditrict (NPD) matapos maaresto sa isang manhunt operation sa Caloocan City, kahapon ng madaling araw.
Batay sa ulat ng Caloocan police, nakatanggap ng impormasyon ang Bagong Barrio Police Sub-Station 5 kaugnay sa kinaroroonan ng akusadong si alyas “Vio”, 28-anyos, mula sa Pangako St., Bagong Barrio.
Agad namang nagsagawa ng joint manhunt operation kontra wanted persons ang mga tauhan ng SS-5 sa pangunguna ni P/Cpt. Paul Norman Larugal, at IDMS-WSS na nagresulta sa pagkakaaresto sa akusado bandang 2:00 kamakalawa ng madaling araw sa kahabaan ng Malolos Avenue, Brgy. 146.
Dinakip ng mga otoridad si alyas “Vio” sa bisa ng warrant of arrest na inisyu ni Presiding Judge Ma. Rowena Violago Alejandra ng Regional Trial Court Branch 121, Caloocan City noong May 30, 2023, para sa kasong Frustrated Murder na may inirekomendang piyansa na ₱200,000 at Murder na walang inirekomandang piyansa.
Related Posts:
About Author
