Naaresto ng pulisya ang isang High Value Individual (HVI) sa isinagawang drug buy-bust operation nitong Miyerkules ng umaga sa Barangay New Lower Bicutan, Taguig City.
Kinilala ng Southern Police District ang suspek na si alyas ‘Pedro,’ 44-anyos, isang construction worker.
Nagsagawa ng buy-bust operation ang Taguig City Police Station Drug Enforcement Unit, matapos ang naganap na transaksyon sa pagitan ng pulis na umaktong buyer at suspek para sa pagbili ng iligal na droga.
Nagresulta ito sa pagkakadakip sa suspek at nakumpiska rin mula rito ang dalawang transparent plastic sachet na naglalaman ng shabu na nagkakahalaga ng ₱510,000, coin purse, cellphone, itim na weighing scale, ₱1,000 buy-bust money at ₱29,000 na boodle money.
Sa ngayon ay nasa Taguig custodial facility na ang suspek at kinasuhan ng paglabag sa Republic Act 9165.
