HUMINGI ng dasal si Kris Aquino kaugnay sa kanyang laban sa kanyang mga sakit, habang nagbigay siya ng tila huling habilin sa mga anak na sina Joshua at Bimby.
Ito’y matapos ang kanyang online live interview sa “Fast Talk with Boy Abunda” sa GMA-7 nitong Peb. 14.
Sa kanyang Instagram post, sinabi ni Kris na dahil sa kanyang sakit na “Churg Strauss” ay nagkaroon siya ng “cardiomyopathy.”
Ayon sa John Hopkins Medicine, ang Churg Strauss ay isang sakit sa blood vessel na nagpapahirap sa pagdaloy ng dugo sa tissues at organs ng katawan. Samantalang cardiomyopathy ay anomang sakit na pumipigil sa puso na mag-pump ng dugo at minsa’y nagreresulta sa irregular na tibok ng puso.
Ayon pa sa post ni Kris, “Yes, because of Churg Strauss i now have cardiomyopathy. This means my heart muscles are having trouble pumping blood due to inflammation, and because of that inflammation, it’s exhausting my heart and causing it to begin to fail and ultimately, please pray with me-sana hindi tuluyang sumuko or mag CARDIAC ARREST.”
“Please help me pray for my doctors and my nurses so that God will continue to guide them as they try to heal me… Sana, ‘hwag tayong sumuko sa ating pananampalataya na nakikinig ang Diyos sa mga Dasal [na]ng buo ang tiwala sa Kanya,” ayon pa kay Kris.
