LUMUTANG kahapon sa Balayan, Batangas Police Station si Jeffrey Magpantay, 33, isa
sa mga suspek sa pagkawala ni Catherine Camilon, 26, teacher at dating beauty
pageant contestant.
Una nang naireport ng kanyang mga kaanak ang pagkawala ni Camilon noong Oktubre
12, 2023.
Si Magpantay — ang umano’y driver-bodyguard ni Police Major Allan De Castro —
ang itinuro ng isang testigo na isa sa tatlong lalaking naglipat kay Camilon mula sa
Nissan Juke nito patungo sa isang pulang Honda CRV. Tinutukan daw umano ang
testigo ng baril ng isa sa tatlong lalaki.
Kasama ni Magpantay na sumuko ang kanyang live-in partner na si Strawbery Erilla
kahapong magta-tanghali.
Boluntaryo raw sumuko si Magpantay ayon kay Lt. Col. Chitadel Gaoiran, Calabarzon
police spokesperson.
Matatandaang kinasuhan ng kidnapping at illegal detention sa Batangas Provincial
Prosecutor’s Office noong Nob. 2023 sina Major Allan de Castro (diumano’y
karelasyon ni Camilon), Magpantay, at dalawa pang John Does.
Ang lalaking may tattoo na nagtutok daw ng baril sa testigo ay kinalaunang nakilala na
si Magpantay base sa rogue gallery ng pulisya.
Inaasahan ng pulisya na mabibigyang-linaw na ang pagkawala ni Camilon dahil sa
pagsuko ni Magpantay.
