Inaresto ng mga pulis ang isang lalaki matapos nitong sumigaw na mayroong bomba sa gitna ng misa sa Quiapo Church.
Kinilala ang lalaki na si Dennis Garcia, 42-anyos, naninirahan sa Quezon City.
Batay sa ulat, nasa gitna ng pang-alas-5:00 ng madaling araw na misa nang mangyari ang insidente na nagdulot ng pangamba sa mga dumalo sa misa.
Agad namang dinala sa hospital si Garcia para sa medical bago inilipat sa Tayuman Police Station.
Batay sa datos ng Plaza Miranda Police Community Precinct bandang alas-7:00 ng umaga ngayong Biyernes, umabot sa 13,388 deboto ang nagtungo na sa simbahan para sa misa ng unang Biyernes ng 2024.
