Hindi pinansin ng mga nag-post sa social media ang pakiusap ni Janno Gibbs at ng pamilya nito na igalang ang kanilang pagdadalamhati, dahil sa pagpanaw ng beteranong aktor na si Ronaldo Valdez.
“The family would like to request that you respect our privacy in our grieving moment,” ayon sa pakiusap ni Janno.
Maraming mga post sa social media ang nagbigay ng detalye ng eksena sa pagkamatay ni Valdez, magmula nang naganap ito nitong Linggo, Disyembre 17.
Walang pakialam ang ilang nag-post na tila gahaman at gustong makakuha nang maraming views nang ipakita nila ang pagpasok ng mga pulis sa silid ni Ronaldo at patuloy na ipinakita ang maselang eksena sa loob nito.
Muling nakiusap ang pamilya ni Janno na irespeto ang kanilang pinagdaraanan at huwag nang ikalat pa ang video.
