PATULOY na hinanap ng mga awtoridad si Catherine Camilon, ang dating candidate ng Miss
Grand Philippines.
Inireport ng kanyang inang si Rose Camilon na nawawala ang kanyang anak magmula pa nitong
Oktubre 12.
Ang 26-taong gulang na beauty queen ay huling na-contact ng kanyang ina, alas-otso ng gabi
nitong Oktubre 12.
“Ang huling sabi niya (Catherine) sa akin inaantay niya ‘yung kasama niya sa isang gasoline
station sa Bauan, Batangas,” ayon kay Mrs. Camilon, sa isang interview ng CNN Philippines
kahapon. Idinagdag pa niya na hindi niya maalaala ang pangalan ng kasamang babae ng
kanyang anak.
Minamaneho ni Catherine ang kanyang kotseng Nissan Juke ng araw na siya ay iniulat na
nawawala.
Si Catherine ang kinatawan ng Tuy, Batangas sa Miss Grand Philippines 2023 nang nakaraang
Hulyo, na kung saan si Nikki de Moura ng Cagayan de Oro ang kinoronahan.
Ayon sa kapatid ni Catherine na si Chin-Chin, palaging siyang nagpo-post sa kanyang
Facebook page para humingi ng tulong sa nawawala niyang kapatid.
Nakikiusap ang pamilya Camilon na kung sino man ang nakaaalam kung nasaan si Catherine,
ipadala ang mensahe sa Facebook page ni Chin-Chin , o kontakin ang Tuy, Batangas police
station, o kahit na saang police station sa lugar na nakita si Chatherine.
