Isang masuwerteng taga Silang-Cavite ang nakadale ng solo sa jackpot prize na P147,354,716.40 ng Super Lotto 6/49 na binola Linggo ng gabi sa main office sa Mandaluyong City.
Sa tala ng Philippine Charity Sweepstakes Office (PCSO), natumpak ang winning combination number na 47 – 35 – 02 – 13 – 38 – 17 ng isang masuwerteng mananaya na bumili ng lotto ticket sa Silang, Cavite outlet.
Mayroon namang 40 mananaya ang nanalo ng P50,000.00 sa second prize, nasa 1,659 players ang nanalo ng P1,200.00 at 32,968 manlalaro ang may P50.00 bawat isa.
Samantala, wala namang nanalo sa draw ng Ultra Lotto 6/58 na may jackpot prize na P49,500,000.00 dahil walang nakatyamba sa 56 – 53 – 40 – 06 – 35 – 42 pero may dalawang winners naman ng P120,000.00, may 167 ang nanalo ng P2,000.00 at nasa 4,663 mananaya ang may P100.00.
Maaaring makuha ng winner ang kanyang checke sa PCSO main office sa Mandaluyong City at magpakita lamang ng dalawang valid ID at nanalong lotto ticket.
Ang mga sosobra sa P10,000 na Lotto winnings ay mayroong 20-percent tax sa ilalim ng Tax Reform for Acceleration and Inclusion law.
Paalala pa ng PCSO na ang mga premyong hindi pa nakukuha sa loob ng isang taon ay maaaring ma-forfeit
