Nalambat ng mga tauhan ng Marikina Police ang isang mananahi at dalawang kasama nito sa ikinasang buy bust operation at makuhanan ng aabot sa P102,000 halaga ng shabu, kamakalawa ng madaling araw sa Barangay Tumana, Marikina City.
Sa report na nakalap mula sa tanggapan ni Eastern Police District (EPD) Director PBGen. Wilson Asueta, naaresto ang mga suspek na nakilala sa alyas na Mary Jane, 49-anyos, mananahi, alyas Toro, 49-anyos at alyas Allaine, 41- anyos, pawang mga kabilang sa listahan ng EPD’s Unified Drugs Watchlist.
Inaresto ang mga suspek bandang 12:20 kamakalawa ng madaling araw sa Brgy. Tumana, Marikina City matapos ang naganap na transaksyon sa pagbili ng droga.
Nakumpiska mula sa mga suspek ang nasa 15 gramo ng shabu na nagkakahalaga ng P102,000.00.
Kasalukuyang nakakulong ang tatlo sa Marikina detention cell habang inihahanda ang kasong kaugnay sa illegal na droga o R.A. 9165 (Comprehensive Dangerous Drugs Act of 2002)
Related Posts:
Mahigit ₱7-M jackpot prize sa PCSO Lotto 6/42, nasungkit na
5 DepEd executives, nagbitiw na sa puwesto
Dumagsa ang namamalimos sa NCR; Gatchalian, palusot king?
87 katao nasampolan, 19 sasakyan in-impound ng MMDA
Sekyu kalaboso sa rape, child abuse
Caloocan PNP, nakatanggap ng 8 patrol cars
Masisilungan ng riders, hiniling sa gas stations, delivery companies - MMDA
2 dating kaalyadong pulitiko ni Mayor Vico, kumalas na
About Author
