Kulungan ang bagsak ng isang High Value Individual matapos makuhanan ng P680-K halaga ng shabu at marijuana sa ikinasang Anti-illegal Drugs Campaign ng Eastern Police District (EPD) kagabi sa Bgry. Pinagbuhatan, Pasig City.
Sa report mula sa tanggapan ni EPD, District Director, PBGen. Wilson Asueta, nakilala ang suspek na si Joel Victorino y Reynoso, 49-anyos, residente ng Pinagbuhatan, Pasig City na inaresto ng mga tauhan ng DDEU at PDEA.
Nakumpiska mula sa suspek ang 100 gramo shabu at 2.5 gramo ng marijuana (kush) na aabot sa P680,000.00
Kasalukuyang nakakulong ang suspek sa Pasig City Custodial Facility at sinampahan ng kasong paglabag sa RA 9165
