ISANG dream wedding ang kasal nina Lovi Poe at British boyfriend Montey Blencowe na
ginanap sa Cliveden House in Berkshire, England, sa hapon ng Agosto 26.
Sa reception ng kanilang garden wedding, naging emosyonal si Lovi habang nagbibigay
ng kanyang mensahe ang ate niyang si Senator Grace Poe, ang matron of honor.
Hindi mapigilang maluha ni Lovi nang banggitin ni Senator Grace si Fernando Poe Jr.,
ang namayapa nilang ama Sinabi ng senadora, “If FPJ were alive today, he could have been so proud of you, Lovi.
I wish he were here today so that he would be walking with you down the aisle on your
wedding day.”
Dahil sa pagbuhos ng kanyang emosyon, kailangang pang lapitan at yakapin ni Sen.
Grace ang kapatid.
Kasama ng senadora sa London ang kanyang anak na si Brian Llamanzares, ilang araw
bago ang kasal, para makipag-bonding kay Lovi, iba pang kamag-anak, at mga
kaibigan.
Nakita rin sa kasal sina Rhian Ramos at Max Collins, malapit na mga kaibigan ni Lovi na
nakasama niya sa The One That Got Away sa GMA-7. Bahagi ng entourage sina Rep.
Sam Verzosa, Dr. Vicki Belo, Dr. Hayden Kho, at Bela Padilla.
Ang sabi ng ilang fans ni Lovi, sana raw ay mapanood nila sa social media o YouTube
kahit ang mahahalagang bahagi ng kasal ng kanila idol. Super congratulations daw!
