BALAK ni Lian Paz, dating miyembro ng EB Babes na palitan ng “Cabahug” ang apelyidong
“Contis” ng kanyang dalawang anak kay Paolo Contis na sina Xalene at Xonia.
Ito ay dahil hiniling ng dalawang anak ni Paz ang pagpapalit sa apelyedong “Cabahug” –
mula kay John Cabahug – ang tumatayong ama ng dalawa.
Matatandaan na “no show” si Contis sa recognition day – na kung saan tumanggap ng
honors – ang dalawang anak kamakailan.
Patuloy ang pamba-bash kay Contis sa social media dahil sa pagiging iresponsable raw nito
at “wala raw itong naiambag” para sa kanyang mga anak.
Mas inuuna pa raw nito ang umepal at magbigay na mala-piyestang blowout sa talents at
staff ng Eat Bulaga kaysa sa pagtulong sa kanyang mga anak, ayon sa vlogger na si Batang
Maynila To its.
Kahit na namamaos na ang bashers kay Contis sa YouTube at social media, dedma pa rin ito
at tila walang pakialam sa mundo.
